VIDEO- මහින්ද මැදමුලනේ - මෛත්‍රී පොළොන්නරුවේ
ජනධිපතිවරණයට ඉදිරිපත්ව සිටින ප්‍රධාන අපේක්ෂකයින් මෙන්ම මැතිඇමතිවරුන් රැසක් අද උදෑසනම සිය ඡන්දය ප්‍රකාශ කළ බවයි අද දෙරණ වාර්තාකරුවන් සඳහන් ක...
https://sandunarosha.blogspot.com/2015/01/video.html
ජනධිපතිවරණයට ඉදිරිපත්ව සිටින ප්‍රධාන අපේක්ෂකයින් මෙන්ම මැතිඇමතිවරුන් රැසක් අද උදෑසනම සිය ඡන්දය ප්‍රකාශ කළ බවයි අද දෙරණ වාර්තාකරුවන් සඳහන් කළේය.
ජනාධිපති මහින්ද රාජපක්ෂ මහතා වීරකැටිය මැදමූලන ඩී.ඒ.රාජපක්ෂ විද්‍යාලයේ දී සිය ඡන්දය ප්‍රකාශ කර තිබේ.
පොදු අපේක්ෂක මෛත්‍රීපාල සිරිසේන මහතා පොළොන්නරුව නව නගර විද්‍යාලෝක විහාරස්ථානයේ දී සිය ඡන්දය ප්‍රකාශ කළ බව අද දෙරණ වාර්තාකරු සඳහන් කළේය.
එක්සත් ජාතික පක්ෂ නායක රනිල් වික්‍රමසිංහ මහතා කොළඹ විශ්ව විද්‍යාලයේ පිහිටි ඡන්ද මධ්‍යස්ථානයේ දී සිය ඡන්දය ප්‍රකාශ කළ තිබේ.
හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය නිට්ටඹුව සංඝබෝධි විද්‍යාලයේ දී සිය ඡන්දය ප්‍රකාශ කළ බව අද දෙරණ වාර්තාකරු සඳහන් කළේය.
අමාත්‍ය සුසිල් ප්‍රේම්ජයන්ත් මහතා උඩහමුල්ල, කියවීම් ශාලාවේ දී ද අමාත්‍ය නිමල් සිරිපාල ද සිල්වා මහතා බදුල්ල ධර්මදූත විද්‍යාලයේදී ද සිය ඡන්දය ප්‍රකාශ කළ බව සඳහන්ය.
ජාතික හෙළ උරුමය පක්ෂයේ නායක පූජ්‍ය ඕමල්පේ සෝභිත හිමි ඇඹිලිපිටිය මහා විද්‍යාලයේ දී ඡන්දය ප්‍රකාශ කර ඇති අතර එම පක්ෂයේ මහලේකම් පාඨලි චම්පික රණවක මහතා කොළඹ ඩී.එස්.සේනානායක විද්‍යාලයේ දී ඡන්දය ප්‍රකාශ කර තිබේ.
අමාත්‍ය මහින්දානන්ද අලුත්ගමගේ මහතා ගල්පාය එම්.එස්.අලුත්ගමගේ මහා විද්‍යාලයේ දී ඡන්දය ප්‍රකාශ කර ඇති අතර අමාත්‍ය රංජිත් සියඹලාපිටිය මහතා රුවන්වැල්ල ශ්‍රී වික්‍රම කණිෂ්ඨ විද්‍යාලයේ දී ඡන්දය ප්‍රකාශ කර තිබේ.
පූජ්‍ය මාදුළුවාවේ සෝභිත හිමි පිටකෝට්ටේ ආනන්ද බාලිකා විද්‍යාලයේ දී ඡන්දය ප්‍රකාශ කර ඇති අතර පූජ්‍ය අතුරලියේ රතන හිමි ඔබේසේකරපුර සිය ඡන්දය ප්‍රකාශ කළ බව අද දෙරණ වාර්තාකරුවන් සඳහන් කළේය.
-අද දෙරණ
