හිතා මතා අසත්‍ය ප්‍රකාශ කළ ජාතික රූපවාහිනියට මැකෝගෙන් පාඩමක්
අද ඡන්ද දිනයේ ජාතික රූපවාහිනිය අමු පට්ට කෙප්ප ප්‍රචාරය කිරීම හේතුවෙන් කිපුණු මැතිවරණ කොමසාරිස් වරයා ජාතික රූපවාහිනියට සදාචාරය සහ මැතිවරණ...
https://sandunarosha.blogspot.com/2015/01/blog-post.html
කොමසාරිස් වරයාගේ කෝපයට හේතු වූයේ සජිත් ප්‍රේමදාස විසින් කරන ලද පැමිණිල්ලකි. සජිත් ප්‍රේමදාස අද මැදමූලන මරාට සහාය පළ කිරීම සඳහා අරලිය ගහ මැදුරට ගියේ යයි අමු බොරු ප්‍රවෘත්තියක් ජාතික රූපවාහිනියවිසින් ප්‍රචාරය කෙළේය. එ් සම්බන්ධයෙන් සජිත් ප්‍රේමදාස මැතිවරණ කොමසාරිස් වරයාට පැමිණිලි කරන ලදී.
රූපවාහිනී සංස්ථාවට ගිය කොමසාරිස්වරයා එහි සභාපති හමුවී වහාම එම ප්‍රවෘත්තිය අසත්‍යයක් බව ප්‍රචාරය කරන ලෙස තරයේ අවවාද කර ඇති අතර අද දිනයේද යුද්දය සම්බන්ධ වාර්තා වැඩ සටහනක් ප්‍රචාරය කරමින් ඡන්දයට බලපෑම් කිරීමටද අවවාද කර තිබේ. නිල ඡන්ද ප්‍රතිඵල ප්‍රචාරය අත්හිටුවන බවට අවවාද කළ කොමසාරිස් වරයා ‘ඒ ටික කර ගන්නද හදන්නේ‘ යයි පවසා තමා යලිත් පැමිණෙන බවද පවසා සංස්ථාවෙන් පිටත්ව ගියේය. පසුව රූපවාහිනිය තම ප්‍රවෘත්තිය අසත්‍යයක් බව ප්‍රචාරය කෙළේය. ලංකා ඉතිහාසයේ මෙවැනි අශෝබන ක්‍රියාවක් කළ ප්‍රථම ආයතනය රූපවාහිනී සංස්ථාවයි. එහි සභාපති වරයා විමල් රුබසිංහ නම් ගෝතයෙක් වන අතර ඔහු හිටපු ප්‍රවෘත්ති අධ්‍යක්ෂ ආරිය රුබසිංහගේ සොයුරෙකි.
මැතිවරණ දිනයේ සිදුකරන නීති විරෝධී ක්‍රියා සම්බන්ධයෙන් අදාල ආයතන සීල් තැබීමට පවා මැතිවරණ කොමසාරිස් වරයාට නීතිමය බලය තිබේ.
ඊයේ පැවැති මාධ්‍ය හමුවකදී ඡන්දය යනු කෙනෙකුගේ කැමැත්ත බවත් කැමැත්ත බලෙන් හෝ හොරෙන් ගත නොහැකි බවත් හොර ඡන්දය දමන අයගේ ඔළුවට ම වෙඩි තබන්නැයි පොලිිසියට කියා ඇතැයිද මැතිවරණ කොමසාරිස් පැවසුවේය.
ඡන්ද පොළ ආරක්ෂාව පිළිබඳ අදහස් දැක්වූ කොමසාරිස්වරයා කියා සිටියේ පොලිසියට තම බලය යෙදවීමට හැකියාව පවතින බවයි.
මාධ්‍යවේදියකු මේ අවස්ථාවේ දී විමසා සිටියේ පොලිසියට අවම බලය භාවිතා කිරීමට උපදෙස් දී ඇති බැවින් කලබල ඇතිකිරීමට උත්සාහ ගන්නේ නම් දණහිසෙන් පහළට වෙඩි තැබීමට ඔවුන්ට අවසර ලැබෙන්නේ ද යන්නයි. එහිදී අදහස් දැක්වූ මැතිවරණ කොමසාරිස්වරයා මෙසේ කීවේය.
‘‘ අවම බලය කියලා දෙයක් දැන් නැහැ. දැන් තියෙන්නේ අවශ්‍ය බලය. දණ හිසෙන් පහළට වෙඩි තියන්නේ මොකට ද ? ඡන්දය බලෙන් දාන්න හරි කලබල කරන්න හරි ආවොත් දණ හිසෙන් පහළට වෙඩි තියලා වැඩක් නැහැ ඔළුවටම වෙඩි තියන්න ඕනේ. “
මැතිවරණ කොමසාරිස් මහින්ද දේශප්‍රිය මේ වන විට මහින්ද ජනතාප්‍රිය පුද්ගලයෙක් වී සිටී.
-ලංකා ඊ නිව්ස්
