සරණාගතයින් 157 දෙනා ආර්ථික ගැටලු සහිත පුද්ගලයින්
https://sandunarosha.blogspot.com/2014/07/157.html
ඕස්ට්‍රේලියානු මුහුදේ දී අත්අඩංගුවට පත්වු ශ්‍රි ලාංකිකයින් ආර්ථික
අරමුණ වෙනුවෙන් පැමිණි සරණාගතයින් පිරිසක්
බව ඕස්ට්‍රේලියානු සංක්‍රමණික කටයුතු අමාත්‍ය ස්කොට් මොරිසන් මහතා පවසනවා.
අමාත්‍යවරයා මේ බව සඳහන් කලේ සරණාගතයින් ඕස්ට්‍රේලියානු භූමියට පැමිණි පසු සිදු කෙරෙන
පරික්ෂණ පිළිබඳව අදහස් දක්වමින්.
ඉන්දියාවේන් ඕස්ට්‍රේලියාව දක්වා යාත්‍රාවකින් ගමන ආරම්භ කල සරණාගතයින් 157 දෙනෙක් ඕස්ට්‍රේලියානු
වෙරළ ආරක්ෂක බලකායේ යාත්‍රාවක මසකට ආසන්න කාලයක් රඳවා තැබුණා .
ඕස්ට්‍රේලියානු රජය සරණාගතයින් එම
157 දෙනා අද සිය රට තුලට ඇතුළු කරගත්තේ විවිධ මානව හිමිකම් සංවිධාන වලින්
නැගුණු චෝදනා සමගයි.
ඔවුන් අතර ඉන්දීය පුරවැසි භාවය හිමි සරණාගතයින් සිටින්නේද යන්න මේ වන විට
සොයා බැලනවා.
මේ ජනතාව ඇවිල්ලා තියෙන්නේ ඉන්දියාව කියන ආරක්ෂිත
රටෙන්. ඔවුන් ශ්‍රී ලංකාවෙන් පැමිණි අය නෙමෙයි. නැත්නම් වෙනත් රටකින් ආපු අයත්
නෙමෙයි. ඒ නිසා මොවුන් ඔස්ටේ්‍රලියාවට අනවසරයෙන්
පැමිණ තිබෙන්නේ ආර්ථික සංක්‍රමණිකයින් ලෙස මිසක් වෙනත් හේතුවක් මත නොවෙයි. - ස්කොට් මොරිසන් ඕස්ට්‍රේලියානු සංක්‍රමණික කටයුතු අමාත්‍ය
________________________________________________________________________________
පුවත්වල අන්තර්ගතය සහ මුලාශ්‍රය වෙනස් කිරිමකින් තොරව භාවිතා කිරිමට අවසර ඇත.
© 2014 සඳුන් අරෝෂ ප්‍රනාන්දු - සියලු හිමිකම් ඇවරිණි
යෝජනා සහ අදහස් : අන්තර්ජාල කතෘ
