සුබ්‍රමනියම් ස්වාමි ශ්‍රී ලංකාවේ සංචාරයක.
https://sandunarosha.blogspot.com/2014/07/blog-post_21.html
ඉන්දියාවේ පාලක භාරතීය ජනතා පක්ෂයේ ක්‍රමෝපාය කටයුතු
පිළිබද කමිටුවේ සභාපති සුබ්‍රමනියම්
ස්වාමි මහතා අද(21) පස්වරුවේ ජනාධිපති මහින්ද රාජපක්ෂ මහතා හමුවුණා.
ඒ,පෙරවරුවේ මෙරට ඉහළ පෙළේ රාජ්‍ය නිලධාරීන්
කිහිපදෙනෙකු ද හමුවීමෙන් අනතුරුවයි.
ඉන්දියාවේ පාලන බලය හොබවන භාරතීය ජනතා පක්ෂයේ ක්‍රමෝපාය කටයුතු පිළිබද කමිටුවේ සභාපති සුබ්‍රමනියම් ස්වාමි මහතා අද පෙරවරුවේ විදේශ කටයුතු අමාත්‍ය මහාචාර්ය ජී.එල්. පීරිස් මහතා හමුවුණා.
ඒ විදේශ කටයුතු අමාත්‍යාංශයේදී.
 |
| මහාචාර්ය ජී.එල්. පීරිස් |
ද හින්දු පුවත්පත වාර්තා කළේ සුබ්‍රමනියම් ස්වාමි මහතා
අනතුරුව ආරක්ෂක ලේකම් ගෝඨාභය රාජපක්ෂ මහතා හමුවීමටද නියමිතව තිබූ බවයි.
පස්වරුවේ සුබ්‍රමනියම් ස්වාමි මහතා ඇතුළු ඉන්දීය නියෝජිත
පිරිස ජනාධිපති මහින්ද රාජපක්ෂ මහතා හමුවුණා.
අරලියගහ මන්දිරයේ පැවති මෙම හමුවේදී ඉන්දියන් සාගරයේ
ආරක්ෂාව තහවුරු කිරිම සම්බන්ධයෙන් වැඩි අවධානයක් යොමුව තිබෙනවා.
ජනාධිපති ජාත්‍යන්තර මාධ්‍ය ඒකකය නිවේදනය කළේ පාරිසරික
හා සමුද්‍ර කටයුතු පිළිබද අධ්‍යයන මධ්‍යස්ථානයක් පිහිටුවන්නයි මෙහිදී ජනාධිපතිවරයා
සුබ්‍රමනියම් ස්වාමි මහතාගෙන් ඉල්ලා සිටි බවයි.
ඉන්දීය අග්‍රාමාත්‍ය නරේන්ද්‍ර මෝදිට ශ්‍රි ලංකාව සමග
උපරිම සහයෝගයකින් කටයුතු කිරීමට අවශ්‍ය බව සුබ්‍රමනියම් ස්වාමි මහතා ජනාධිපතිවරයාට
මෙහිදී ප්‍රකාශ කර තිබෙනවා.
අනතුරුව සුබ්‍රමනියම් ස්වාමි මහතා බණ්ඩාරනායක ජාත්‍යන්තර
අධ්‍යයන මධ්‍යස්ථානය සංවිධානය කළ සාකච්ඡාවට එක්වුණා.
‘මෝදි යටතේ ඇති ඉන්දියාව : ජාත්‍යන්තරයට සහ කලාපයට අදාළ වන ආකාරය‘ යන තේමාවෙන්
පැවති ඊට දෙස් විදෙස් ඉහළ පෙළේ නිලධාරීන් රැසක් එක්ව සිටියා.
මෙහිදී සභාව අමතනු ලැබුවේ ඉන්දීය අග්‍රාමාත්‍ය නරේන්ද්‍ර
මෝදි මහතාගේ නව විදේශ ප්‍රතිපත්තිය
සකස්කරන කණ්ඩායමේ සාමාජිකයින්.
- අපි ඉතා පැහැදිලිව ප්‍රකාශ කරනවා වර්ගවාදයක් ඇති අවස්ථාවක පමණයි එක්සත් ජාතීන්ගේ මානව හිමිකම් කවුන්සිලයට කාර්ය බාරයක් තිබෙන්නේ. එක්සත් ජාතීන්ගේ යෝජනාවේත් මේ වර්ගවාදය යන වචනය සදහන් නැහැ. එය සදහන් කරන්නේ ලන්ඩනයේ ජීවත්වන දෙමල ජනතාව පමණයි. එම නිසා එක්සත් ජාතීන්ගේ මානව හිමිකම් කවුන්සිලයට ඉදිරිපත් වූ යෝජනාවේදී අන් කවරදාටත් වඩා අපි ශ්‍රී ලංකාවට සහයෝගය දුන්නා. අපි ඉතා ආඩම්බර වෙනව ඔබලාගේ ජනාධිපතිවරයා අපිටත් තර්ජනයක් වූ ත්‍රස්තවාදය මුලිනුපුටා දැමීම සම්බන්ධයෙන් . කිසිදු රටක් මේ ආකාරයේ ජයක් ලබාගෙන නැහැ. අද ඒ නිදහස දෙමල ජනතාවත් භුක්ති විදිනවා. නමුත් තවත් බොහෝ දේ කරන්න තිබෙනවා. ඒවා තියෙන්නේ ඔබට කරන්න. අපේ මිතුදම සහයෝගය හොදින් තිබුනොත් අපි උපදෙස් ලබා දෙන්නම් කුමක්ද කළ යුත්තේ කුමක්ද නොකල යුත්තේ යන වග. ඔබලා පිළිගත්තත් නැතත්.
සුබ්‍රමනියම් ස්වාමි - සභාපති භාරතීය ජනතා පක්ෂයේ ක්‍රමෝපාය කටයුතු පිළිබද කමිටුව
