සිංහල, දෙමළ හා මුස්ලිම් යන සියලු ජන කොටස් අතර සාමය හා සහජීවනය ගොඩනැංවීමට කටයුතු කළහොත් ශ්‍රී ලංකාව, සිංගප්පූරුව වැනි දියුණු රා...
https://sandunarosha.blogspot.com/2015/03/blog-post.html
සිංහල, දෙමළ හා මුස්ලිම් යන සියලු ජන කොටස් අතර සාමය හා සහජීවනය ගොඩනැංවීමට කටයුතු කළහොත් ශ්‍රී ලංකාව, සිංගප්පූරුව වැනි දියුණු රාජ්‍යයක් කිරීම කඩිනම්වන බව උතුරු පළාත් මහ ඇමති සී.වී. විග්නේෂ්වරන් මහතා පවසනවා.
යාපනයේ පැවති උත්සවයක් අමතමින් සී.වී. විග්නේෂ්වරන් මහතා සදහන් කළේ එවක ශ්‍රී ලංකාවේ දියුණුව ආදර්ශයට ගනිමින් සිංගප්පූරුව අද දියුණු රාජ්‍යයක් වී ඇති බවයි.
උතුරේ අධි ආරක්ෂිත කලාප යටතේ හමුදාව සතුව පැවති ඉඩම් යළි මුල් පදිංචිකරුවන්ට භාරදීමේ වැඩසටහනේ පළමු අදියර අද පෙරවරුවේ පැවැත්වුණේ යාපනය වලලායි ප්‍රදේශයේයි.
ඒ, ජනාධිපතිවරයාගේ සහ අග්‍රාමාත්‍යවරයාගේ ප්‍රධානත්වයෙන්.
ඊට අමතරව හිටපු ජනපති චන්ද්‍රිකා බණ්ඩාරනායක කුමාරතුංග
මහත්මියද ඊට සහභාගී වුණා.
උතුරේ අධි ආරක්ෂිත කලාප යටතේ යුද හමුදාව සතුව පැවති ඉඩම්
අක්කර 1000 කින් අක්කර 425 ක් මුල් පදිංචිකරුවන්ට පැවරීම අද සිදුවුණා.
මෙහිදී උතුරු පළාත් ප්‍රධාන අමාත්‍ය සී.වී. විග්නේෂ්වරන්
මහතා උත්සව සභාව සිංහල භාෂාවෙන් ද ආමන්ත්‍රණය කිරීම විශේෂත්වයක්.
- 1948 දී මේ ලංකාව
කොහොමද තිබ්බේ කියනවා නම් ඒ තත්ත්වයට අපිට එන්න පුළුවන්. මම 1948 ගැන කතා කරන්නේ ඒ
කාලේ සිංගප්පුරුවේ අගමැතිතුමා කිව්වේ සිංගප්පූරුව ලංකාව වගේ කරනවා කියලා. ඒ දවස්වල
ලංකාව ගැන මිනිස්සු ඉතා ගෞරවයෙන් හිතන් හිටියේ. ඒ නිසා ඒ විදිහට අපි හිතන්න පටන්
ගත්තොත් ඉතා ඉක්මනින් ලංකාව හොද තැනකට අරන් යන්න පුළුවන් කියලා මම හිතනවා.
- සී.වි. විග්නේෂ්වරන්
________________________________________________________________________________
පුවත්වල අන්තර්ගතය සහ මුලාශ්‍රය වෙනස් කිරිමකින් තොරව භාවිතා කිරිමට අවසර ඇත.
© 2015 සඳුන් අරෝෂ ප්‍රනාන්දු - සියලු හිමිකම් ඇවරිණි
යෝජනා සහ අදහස් : අන්තර්ජාල කතෘ
