ඇමති ෆවුසිගේ පුත්‍රයා අත්අඩංගුවට ගන්නැයි, අධිකරණ නියෝගයක්

අමාත්‍ය ඒ.එච්.එම්. ෆවුසි මහතාගේ පුත්, එක්සත් ජනතා නිදහස් සන්ධාන පළාත් සභා මන්ත්‍රී නවුසර් ෆවුසි අත්අඩංගුවට ගන්නා ලෙස කොළඹ ප්‍රධාන මහේස්ත්‍රාත් ගිහාන් පිලපිටිය මහතා අද නියෝග කළා.

ඒ ඊට අදාළ නඩු විභාගය අද යළි කැඳවූ අවස්ථාවේදී.

---

 කොළඹ අපරාධ කොට්ටාසයට සහ කුරුදුවත්ත ප්‍රදේශය භාර සහකාර පොලිස් අධිකාරිවරයාට මහේස්ත්‍රාත්වරයා මෙම නියෝගය කළේ 2011 වසරේ සිදු වූ සිද්ධියක් පදනම් කරගනිමින්.

පොලීසිය අධිකරණයට වාර්තා කළේ 2011 වසරේ ටොරින්ටන් ප්‍රදේශයේදී ව්‍යාපාරිකයෙකුට ගිනි අවියක් පෙන්වා බිය ගැන්වීම සහ මරණ තර්ජන එල්ල කිරීම සම්බන්ධයෙන් බස්නාහිර පළාත්සභා මන්ත්‍රී නවුසර් ෆවුසිට චෝදනා එල්ල වී ඇති බවයි.

අදාළ චෝදනා සලකා බැලූ කොළඹ ප්‍රධාන මහේස්ත්‍රාත් ගිහාන් පිලපිටිය මහතා නියෝග කළේ පළාත් සභා මන්ත්‍රීවරයා අත්අඩංගුවට ගෙන අධිකරණයට ඉදිරිපත් කරන ලෙසටයි.

මේ අතර පළාත් සභා ප්‍රධාන අමාත්‍යවරුන් තිදෙනෙකු ඔවුන්ගේ ධුරවලින් ඉවත් කිරීම සම්බන්ධයෙන් උපරිමාධිකරණයට ගොනු වූ  ත්සම් 3 ක් අද සලකා බැලුණා.

ඉන් මධ්‍යම පළාත් ප්‍රධාන අමාත්‍ය සරත් ඒකනායක මහතා ගොනු කළ පෙත්සම සලකා බලමින් අභියාචනාධිකරණය තීරණය කළේ නඩු විභාගය අවසන්වන තුරු මධ්‍යම පළාත් ප්‍රධාන අමාත්‍යවරයා එම ධුරයෙන් ඉවත් කිරීම වලකාලමින් අතුරු තහනම් නියෝගයක් ලබා දීමටයි.

කෙසේ වෙතත් බස්නාහිර පළාත් ප්‍රධාන අමාත්‍ය ප්‍රසන්න රණතුංග මහතා ගොනු කළ පෙත්සම ඉවත දැමීමට අභියාචනාධිකරණය තීරණය කළා.

ඒ, ඔහුට පළාත් සභාව තුළ විශ්වාසභංගයක් ඉදිරිපත් නොවී තිබීම හේතුවෙන්.

ඌව පළාත් සභාවේ ප්‍රධාන අමාත්‍ය හරීන් ප්‍රනාන්දු මහතාට එරෙහිව ගොනු කර තිබූ පෙත්සමද අද සලකා බැලුණා.

පෙත්සමට අදාළ නීතිපති උපදෙස් මෙතෙක් ගොනු කර නොතිබීම හේතුවෙන් විනිසුරුවරුන් තීරණය කළේ එය ලබන 21 වනදා දක්වා කල් තැබීමටයි.

ඉන් අනතුරුව පෙත්සම ගොනු කළ ඌව පළාත් සභාවේ හිටපු ක්‍රීඩා, විදුලි බලහා බලශක්ති අමාත්‍ය චාමර සම්පත් දසනායක මහතා මාධ්‍යයට අදහස් පළ කළා.

ඌව පළාත් සභාවේ හිටපු ක්‍රීඩා විදුලිබල සහ බලශක්ති අමාත්‍ය-         ලබන 21 වනදා තීන්දුව දුන්නාම හරේන් ගෙදර යන්න ලෑස්ති වෙන්න.

 හරීන් ප්‍රනාන්දු - ඌව පළාත් සභා ප්‍රධාන අමාත්‍ය-         මම වැඩිම මනාප ගත්ත නිසා මට ඕන වුණේ එක දවසක් හරි මහ ඇමති ධුරයේ ඉන්න. මම දැන් දවස් 3 ක් ඉදලා ඊටත් වැඩිපුර ඉන්නවා.