මෝදිට ලංකාව ගැන විශ්වාසයක්.
https://sandunarosha.blogspot.com/2015/01/blog-post_19.html
ඉන්දීය අග්‍රාමාත්‍යවරයා මේ අදහස් පළ කළේ අද
පස්වරුවේ ශ්‍රී ලංකා විදේශ කටයුතු අමාත්‍ය මංගල සමරවීර මහතා සමග පැවති
ද්විපාර්ශ්වීය සාකච්ඡාවේදීයි.
විදේශ
කටයුතු අමාත්‍ය ධුරයට පත්වීමෙන් පසු සිය පළමු නිල සංචාරයට එක්වන අමාත්‍ය මංගල
සමරවීර මහතා, ඉන්දීය අග්‍රාමාත්‍ය නිල නිවසේදී නරේන්ද්‍ර මෝදි මහතා හමුවුණා.
ඉතා
උණුසුම් ලෙස ශ්‍රී ලංකා විදේශ අමාත්‍යවරයා පිළිගත් මෝදි මහතා, ශ්‍රී ලංකා නව
ජනාධිපතිවරයාට සහ අග්‍රාමාත්‍යවරයාට සුබ පැතුවා.
මෙවර
ජනාධිපතිවරණය ජාත්‍යන්තර හා කලාපීය වැදගත්කමකින් යුත් බව පැවසූ ඉන්දීය අග්‍රාමාත්‍යවරයා
සදහන් කළේ වෙනසක් හා එකමුතුකම වෙනුවෙන් ශ්‍රී ලංකාවාසීන් සිය ඡන්දය භාවිතා කළ
බවයි.
ශ්‍රී
ලංකා රජයේ සහ ජනතාවගේ අභිලාෂයන් සාක්ෂාත් කර ගැනීමට සැබෑ අසල්වාසියෙකු ලෙස ඉන්දියාව
අඛණ්ඩවම සහය දෙන බවට මෙහිදී නරේන්ද්‍ර
මෝදි මහතා ප්‍රතිඥා දුන්නා.
ජනාධිපති මෛත්‍රීපාල සිරිසේනගේ පියවර නිවැරැදියි
ඔහු එහිදී ප්‍රකාශ කළේ පියවර කිහිපයකින් පවා පුද්ගලයෙකුගේ දිශාව නිගමනය කළ හැකි බවයි.
ඒ
අනුව ශ්‍රී ලංකාවේ නව නායකත්වය, දේශපාලන සංහිදියාව සහ සහයෝගීතාවය,
පෙරදැරිකරගත් සියලු හඩ නියෝජනය
කරන සැබෑ ශ්‍රී ලංකා රජයක් කරා ගෙන යනු ඇති බව මෙහිදී ඉන්දීය අග්‍රාමාත්‍යවරයා
පෙන්වා දුන්නා.
ජනාධිපති
මෛත්‍රීපාල සිරිසේන මහතා හැකි ඉක්මනින් ඉන්දියාවට පැමිණේයැයි බලාපොරොත්තුවෙන්
සිටින ඉන්දීය අග්‍රාමාත්‍ය නරේන්ද්‍ර මෝදි මහතා සදහන් කළේ තමන්ද ඉදිරියේදී ශ්‍රී
ලංකාවේ සංචාරය කිරීමට සූදානමින් සිටින බවයි. ________________________________________________________________________________
පුවත්වල අන්තර්ගතය සහ මුලාශ්‍රය වෙනස් කිරිමකින් තොරව භාවිතා කිරිමට අවසර ඇත.
© 2015 සඳුන් අරෝෂ ප්‍රනාන්දු - සියලු හිමිකම් ඇවරිණි
යෝජනා සහ අදහස් : අන්තර්ජාල කතෘ
